كود سبور//

كشفت جريدة “ليكيب” الفرنسية القريبة من باريس سان جيرمان الفرنسي، أن الأخير غايخلي الدولي المغربي أشرف حكيمي يشارك مع المنتخب المغربي الأولمبي فدورة الألعاب الأولمبية باريس 2024.

ووضحت الجريدة الفرنسية، أن باريس سان جيرمان غايخليو أشرف حكيمي يشارك مع المغرب الصيف الجاي فأولمبياد باريس، باش يخليو العلاقة ديالهم مزيانة معه حيث باغينو يبقى مع الفريق فالمستقبل، ويجددو معه العقد اللي قريب يسالي.

وغايسالي العقد ديال أشرف حكيمي مع باريس سان جرمان فيونيو 2025، وكانت وسائل إعلام فرنسية كشفت أن إدارة PSG فتحو مفاوضات معه باش يجدد معهم، أما وسائل إعلام إسبانيا قالت إنه باغي يرجع لريال مدريد الإسباني وأن الريال حتى هما باغينو، خصوصا وأن صاحبو الفرنسي كيليان مبابي غايمشي هذا الصيف لريال مدريد.