كود سبور//

باغيين باير ليفركوزن أبطال ألمانيا، يخليو الدولي المغربي أمين عدلي معهم لأطول مدة، حيث داخل ضمن مشروع النادي فالمستقبل، وفنفس الوقت رافضين فكرة انه ينتقل فابور لفريق آخر.

وكشفت جريدة “بيلد” الالمانية، أن باير ليفركوزن ما باغيينش يخليو أمين عادلي يمشي بحالو فابور ملي يسالي العقد الحالي ديالو مع الفريق فصيف 2026، وأن النادي الالماني عندو قاعدة واحدة، هي أن أي لاعب ما خاصوش يبقى عندو عام واحد مع الفريق، حيث إما خاصهم يزيدو معه أو يبيعو العقد ديالو، وهذا الشي اللي باغيين يديروه مع اللاعب المغربي.

نفس المصدر وضح أن الاسباني تشابي ألونسو مدرب باير ليفركوزن، كايشوف فأمين عدلي لاعب مهم بالنسبة للفريق وداخل فالمشروع ديالو للمستقبل وباغيه يبقى معهم.