كود سبور//

حافظ فريق الجيش الملكي متصدر البطولة الاحترافية لكرة القدم، على فارق النقاط مع الرجاء الرياضي المطارد، بعدما ربح اليوم الاحد فبرشيد، فريق يوسفية برشيد متذيل الترتيب بزّز ضمن الدورة 23.

وسالا الماتش بين الجيش الملكي والمضيف ديالو يوسفية برشيد بنتيجة 2 لزيرو، فماتش قدمو فيه ولاد حريز مستوى مزيان قدام المتصدر، أمام ليفار اللي ماركاو الهدف الأول فالدقيقة 38، بواسطة توميسانگ أوريبوني وحافظو عليه حتى للدقيقة الأخيرة فين قدرو يقتلو الماتش بهدف ثان ماركاه لامين دياكيتي.

وبهاد الرباح خداو الجيش الملكي 3 بوان جديدة، رفعو بها رصيدهم إلى 56 نقطة، وواصلو صدارة البطولة الاحترافية محافظين على 4 نقاط كفارق مع الرجاء الرياضي المطارد، أما يوسفية برشيد فالمعاناة ديالو فأسفل الترتيب مستمرة والفريق غرف فالمركز الأخير، وعندو 14 نقطة بفارق 7 النقاط على مول المركز 15، وصعيب يفلت من النزول.