كود سبور//

قدرو الجيش الملكي يربحو الوداد الرياضي اليوم السبت فتيران برشيد فالكلاسيكو، ضمن الدورة 25 من منافسات البطولة الاحترافية لكرة القدم، وبعدو بالصدارة.

ونجحو الجيش الملكي فتحقيق الرباح على الوداد الرياضي بنتيجة 2 لواحد، وهو الهدف اللي ماركاه الكابيتان ديال ليفار ربيع حريمات برأسية، مع نهاية الشوط الاول، مع العلم أنه زگل بيلانتي قبل منها بعدما ضرب الكورة وضربت فالبوطو ديال الكول يوسف المطيع.

الجيش الملكي وبعد هذا الرباح المهم خداو الجيش الملكي 3 بوان، رفعو بها رصيدهم إلى 61 نقطة وبعدو بصدارة البطولة مؤقتا على الرجاء الرياضي بـ7 والرجاء مازال ما لعبوش الماتش ديالهم عن نفس الدورة ضد شباب المحمدية، أما الوداد الرياضي اللي لعب معهم المدرب الجديد عزيز بنعسكر اول ماتش له، فبقاو فالمركز 5 برصيد 37 نقطة.