گود سبور//
شاعلة على صدارة البطولة الاحترافية لكرة القدم بين الرجاء الرياضي والجيش الملكي، وبعدما ربح الأخير الماتش ديالو ضد شباب المحمدية اليوم الخميس فالعشية، ضمن الدورة 16.
وسالا الماتش بين الجيش الملكي وشباب المحمدية بنتيجة 3 لزيرو لمصلحة الفريق العسكري، ماركاهم كل من خالد ايت ورخان فالدقيقة 26، وأحمد حمودان فالدقيقة 56، ورجع خالد ايت ورخان ضرب الهدف الثالث فالدقيقة 65.
وبهذا الرباح رفع الجيش الملكي الرصيد ديالو إلى 36 نقطة وكيتقاسم صدارة البطولة مع الرجاء الرياضي، قبل الكلاسيكو بين الفريقين الاحد الجاي فقنيطرة، أما شباب المحمدية فالفريق بقات عندو 18 نقطة وكيحتل المركز 11.
