كود سبور//

تأهل فريق الجيش الملكي لفينال كأس العرش، بعدما ربح اليوم الأحد، فريق المغرب الفاسي فالدومي فينال اللي تلعب فأكادير.

وسالا الماتش بين الجيش الملكي والمغرب الفاسي بنتيجة 2 لزيرو، وماركا الهدف الأول ديال ليفار المصاوي يوسف أگردوم على راسو فالدقيقة 28، وزاد أمين زحزوح الهدف الثاني للفريق العسكري فالدقيقة 59.

وبهذه النتيجة تأهل فريق الجيش الملكي إلى نهائي كأس العرش، وغايلعبو مع المتأهل من الرجاء الرياضي بطل المغرب ومولودية وجدة اللي نزل إلى القسم الثاني، أما المغرب الفاسي ودع المسابقة.