كود سبور//

تأهلو الجيش الملكي إلى ربع نهائي كأس العرش، بعدما ربحو اليوم الاربعاء فثمن النهائي فريق نهضة الزمامرة فتيران القنيطرة.

ماتش ثمن النهائي بين الجيش الملكي ونهضة الزمامرة سالا بنتيجة 2 لواحد لمصلحة ليفار، اللي ماركاو الهدف الأول فالدقيقة 4 بواسطة أمين زحزوح، وزاد يوسف عربيدي الهدف الثاني فالدقيقة 53، ومحمود بنحليب ماركا الهدف ديال الزمامرة فالدقيقة 73.

بهاد الرباح تأهلو الجيش الملكي لربع نهائي كأس العرش، وغايلعبو ضد أولمبيك الدشيرة، أما نهضة الزمامرة تقصاو من المسابقة.