گود سبور//

دارو فريق الجيش الملكي رجلهم الاولى ففينال دوري ابطال افريقيا، بعدما ربحو فماتش ذهاب المسابقة فريق نهضة بركان اليوم السبت فتيران مولاي عبد الله فالرباط.

وسالا الماتش بين الجيش الملكي والضيوف ديالو نهضة بركان بنتيجة 2 لزيرو لمصلحة ليفار، وماركا له الهدفين ديال الرباح كل من احمد حمودان فالدقيقة 58، وخالد ايت أورخان فالدقيقة 80.

فريق الجيش الملكي بهذا الرباح حطو رجلهم الاولى ففينال دوري ابطال افريقيا، ونهضة بركان خاصم يتسناو الروتور من هنا لسيمانا لتدارك هاد الخسران ومطالبين يربحو بنتيجة 3-0 إلى بغاو يتأهلو للفينال.