كود سبور//

بداو الجيش الملكي مزيان فمنافسات البطولة الاحترافية لكرة القدم، وربحو شباب المحمدية اليوم الجمعة فتيران البشير، برسم الدورة الاولى.

وقدرو ليفار يربحو شباب المحمدية بنتيجة 5 لزيرو، فالماتش اللي سالا بين الفريقين قبل لحظات، وماركا أهداف الجيش الملكي كل من جويل بيا اللي افتتح التسجيل بهدف أول فالدقيقة 31، وربيع حريمات اللي ضرب هاتريك فالدقيقة 48، والدقيقة 67، والدقيقة 85، وأمين زحزوح ماركا الهدف الخامس فالدقيقة 89.

وبهذا الرباح خداو الجيش الملكي 3 النقاط مهمة مع بداية البطولة الاحترافية، أما شباب المحمدية بداو الموسم بالخسران وبزيرو بوان.