وكالات //

ليزانفليونسور ديال “أنستكَرام” فروسيا ضرباتهم الموڤيطة بعدما منعات بلادهم الدخول لهاد الموقع اللي كياكلو منو طرف ديال الخبز.

المؤثرة كارينا نيكَاي (Karina Nigay)، اللي كيتابعها تقريبا شي 3 مليون شخص بانت فسطوري ديالها كتبكي وكتشكي بعد القرار ديال منع “أنستكَرام”، وقالت: “هادي هي حياتي وروحي، هنا فين كننعس ونفيق 5 سنين هادي، أنا مريضة وما ماقادراش نتقبل هاد القرار”.

https://www.instagram.com/karina_nigay/

القرار ديال روسيا جا بعدما سمحات شركة “ميتا”، اللي هي مولات “فايسبوك” و”أنستكَرام”، باستعمال خطابات الكراهية والتحريض ضد الحرب الروسية والرئيس ڤلاديمير بوتين.