عفراء علوي محمدي- كود//

كشف المغربي بدر هاري، بطل الكيك بوكسينكَ، على إصدار فيلم وثائقي كيهضر على حياتو نهار 18 غشت، بعنوان “ليريتاج” (الورث).

وقال هاري، فمنشور ليه على “أنستكَرام”، أن هذ الفيلم الوثائقي غيخلي الجمهور يكتشف ما وراء كواليس حياتو كملاكم.

وقال هاري “فالشهور القليلة اللي فاتت، خدمت قدر الإمكان باش نحقق اهدافي، تعلمت من كل قتال، وكان عليا نكون متواضع باش نرجع بقوة، حصلت دابا على قاعة رياضية جديدة، ومدرب جديد، واعضاء فريق جداد، هذ الفيلم الوثائقي غيوضح كلشي، وغيكشف كيفاش كنستعدو للمستقبل”.

https://www.instagram.com/p/CSUvn86r4A6/?utm_source=ig_web_copy_link

وغيتحط الفيلم فشين هاري على اليوتوب.

وهاري دابا كيوجد ويتدرب استعدادا للمعركة ديالو ضد البولوني Arkadiusz Wrzosek، اللي غتكون ف4 شتنبر فهولندا.