الرئيسية > كود-تيفي > ليدي گاگا وردة مفتحة فحفل تنصيب بايدن. جينيفر لوبيز وگارت بروس غير زوقو بيهم وصافي – تصاور وفيديو
21/01/2021 09:00 كود-تيفي

ليدي گاگا وردة مفتحة فحفل تنصيب بايدن. جينيفر لوبيز وگارت بروس غير زوقو بيهم وصافي – تصاور وفيديو

ليدي گاگا وردة مفتحة فحفل تنصيب بايدن. جينيفر لوبيز وگارت بروس غير زوقو بيهم وصافي – تصاور وفيديو

وكالات//

البارح الأربعاء كان حفل تنصيب الرئيس الميريكاني جو بايدن، وهي المراسيم لي تميزات بالتنوع الثقافي.

الحفل غنات في ليدي كَاكَا النشيد الوطني الأميركي بطريقتها الخاصة والمميزة، وبانت بلوك زوين. وردة صافي وسط حفل غريب ما عمر ميريكان عاشت بحالو. لباسها لكحل ولحمر وتسريحة شعرها ولحمامة اللي زوقات بيها لبستها وعلقاتها فلسبتها. كلها خلاها تخطف الاضواء. غنات وهدرات مع اوباما ومع مراتو ومع مدعويين اخرين وطبعا هنآت الرئيس بايدن.

من غير ليدي كَاكَا غنا غارث بروكس بلا أي أدوات موسيقية، وحتى جنيفر لوبيز كانت حاضرة ودخلات وبعد ما هدرات بالصبليونية دارت شي براكة حتى هي.

وقبل المراسم كتبات ليدي كَاكَا أنها بغات “الاحتفاء بماضينا ومداواة الجراح من أجل مستقبلنا والتطلع لمستقبل نعمل فيه معاً بحب”.

لايدي كاكا كانت ضد دونالد ترامب اللي قاطع الحفل ولحد الان باقي كيقول باللي الانتخابات اللي وصلات بايدن للبيت الابيض مزورة.

موضوعات أخرى