الرئيسية > آش واقع > ليديك كطنز على بيضاوا بعد فضايح الفيضانات: ها شحال خدمنا البارح ومستشارة المعارضة: هادي قمة الضحك على الذقون
06/01/2021 11:30 آش واقع

ليديك كطنز على بيضاوا بعد فضايح الفيضانات: ها شحال خدمنا البارح ومستشارة المعارضة: هادي قمة الضحك على الذقون

ليديك كطنز على بيضاوا بعد فضايح الفيضانات: ها شحال خدمنا البارح ومستشارة المعارضة: هادي قمة الضحك على الذقون

كود- كازا//

كازا غرقات. شركة “ليديك” عندها مسؤولية فهاد الشي. غير هي فضلات تدخل فتفسيرات فشي شكل.

ففبلاغ ليها كتعطي فيه تفاصيل تدخلها ففيضانات كازا لبارح الثلاثاء 5 يناير 2021 للحد من تأثير التساقطات المطرية القوية، قالت شركة “ليديك” أنها عبأت فالوسائل البشرية 358 عون ضمنهم أطر وعمال التدخلات المختصين في مجال التطهير السائل، وفالوسائل الآلية 233 وحدة كتتوزع على 17 شاحنة تطهير كبيرة، 19 شاحنة تطهير صغيرة، 58 مضخة، 132 عربة نقل كبيرة وصغيرة، 7 سيارات رباعية الدفع، وآلات خرى…

وزادت الشركة، فبلاغ خصلات عليه “كود”، أنها عززات قدرات مركزها للعلاقات مع الزبناء على رقم 0522312020 لاستقبال عدد من المكالمات بنسبة كتفوق اللي كتسجل فالعادة، كيف “تم تفعيل منظومة تفعيل الحالات الطارئة على مستوى مركز اليقظة والتنسيق التابع للشركة فهذ الفترة اللي كتشهد تساقطات مطرية قاسية”، كيف قالت.

وكانت “ليديك” فحالة تاهب واستعداد، وعززات فرقها ووسائل التدخل الميدانية، “منذ التوصل بنشرة خاصة باحوال الطقس من المديرية العامة للأرصاد الجوية، تعلن فيها عن تساقطات مطرية قوية يوم الثلاثاء 5 يناير 2021، بمجموع المجال الترابي للدار البيضاء الكبرى”، كيف كتقول.

وقالت أن الأمطار اللي تسجلات لبارح تميزات بحدتها، وبلغ متوسطها 33,7 ميليمتر بين الساعة الرابعة بعد الزوال والتاسعة ليلا، مع تسجيل تساقطات قصوى بلغت 53 ميليمتر.

وحسب “ليديك”، توزعت هذ التساقطات بمجموع المجال الترابي للدار البيضاء الكبرى، وكان ليها تأثير بشكل خاص فمناطق: لهراويين، ومديونة، وتيط مليل، واهل الغلام، ودار بوعزة، وبوسكورة، وحي السدري، ومولاي رشيدد وعين الشق، والحي الحسني.

طبعا هاد التفسيرات كلها غير ضحك على بيضاوا وصافي. البارح عاشت لمدينة فضيحة كبيرة عند هاد الشركة جزء من المسؤولية. مستشارة المعارضة عن حزب الاصالة والمعاصرة نجوى كوكوس ردات على بيانهم باللي هاد الشي ضحك على الذقون. وكتبت كوكوس فتدوينة على صفحتها على الفايس “يتكلمون عن التدخل قبل وبعد التساقطات، قمة الضحك على الذقون”

موضوعات أخرى