الرئيسية > آش واقع > ليبيلوط دلارام باغيين يركعو الدولة. كيفاش هاد لملايرية اللي صالير بعضهم فايت 15 مليون سنتيم عطاو 3 الاف درهم لصندوق “كورونا” وطالبين 10 الاف درهم باش يواجهو شركتهم فالقضاء
29/07/2020 18:30 آش واقع

ليبيلوط دلارام باغيين يركعو الدولة. كيفاش هاد لملايرية اللي صالير بعضهم فايت 15 مليون سنتيم عطاو 3 الاف درهم لصندوق “كورونا” وطالبين 10 الاف درهم باش يواجهو شركتهم فالقضاء

ليبيلوط دلارام باغيين يركعو الدولة. كيفاش هاد لملايرية اللي صالير بعضهم فايت 15 مليون سنتيم عطاو 3 الاف درهم لصندوق “كورونا” وطالبين 10 الاف درهم باش يواجهو شركتهم فالقضاء

كود كازا ///

اعضاء جمعية ربابنة الخطوط الجوية الملكية “لارام” طلعو ما عندهمش كبدة لا على لبلاد لا على شركتهم. تصرفهم غريب. دابا الرئيس السابق للجمعية استاقل منها وتبعو واحد احتجاجا على تصرفات الرئيس وانفرادو بالقرار.

اليوم هاد الرئيس رسل ايميل لصحابو. الايميل اللي كتوفر “كود” على نسخة منو٬ فيه تعبئة باش يجمع لفلوس سماه “صندوق التضامن لتمويل متابعة شركة “لارام” فالقضاء. فهاد الصندوق طلب من ليبيلوط دو بور يعطيو مليون سنتيم وليبلوط العاديين 5 الاف درهم.

المثير فهاد الشي ان هاد الناس عطاو فقط 3 الاف واحد من صاليرهم لصندوق التضامن ضد “كورونا” وموظفين بساط وحتى ف”لارام” عطاو كثر منهم. ساهمو بصاليرهم كولو.

شركات الطيران كلها دارت تسريح لناسها وفيهم بيلوطات وما احتج حد٬ فالمغرب هادو عايشين ملوك حقيقة. كاين اللي صاليرو 15 مليون سنتيم ويستحقوها طبعا٬ ولكن ما بينوش لا تضامنهم مع كورونا لا كبدة على شركتهم.

شركتهم كتخسر بزاف وخاص كلشي يضحي ماشي يبانو انانيين بزاف. دابا راه كاين بيلوط الجيش يدير خدمتهم ايلى سخن عليهم الراس.

موضوعات أخرى

12/08/2020 08:00

عصيد لـ”كود”: الدخول المدرسي الجاي خاصُّو يهتم بمراعاة صحة التلاميذ قبل كل شيء والقول أن التعليم عن بعد لم ينجح ماشي مبرر