كود سبور//

كايدعي لويس روبياليس الرئيس السابق للاتحاد الإسباني لكرة القدم المدان بتهمة الاعتداء الجنسي بسبب “البوسة صحا” فـ فم اللاعبة الدولية الإسبانية جيني هيرموسو، أنه كان ضحية مؤامرة “من اليسار المتطرف”.

وعادو اكد لويس روبياليس وهذه المرة فـ برنامج “إل تشرينيگيتو” ان هاديك “البوسة صحا” كانت “برضا الطرفين”، وطبعا هذا الشي كانت نفاتو اللاعبة هيرموس فـ التحقيقات وقدام المحكمة اللي حكمت على لويس روبياليس بغرامة 10.800 اورو، واعتبرت ان البوسة كانت بزّز.

وهضر روبياليس وقال فـ البرنامج:  “بصفتي رئيسا، كان خاصني نتصرف ببرود أكثر وبشكل مؤسساتي، ولكن ما غاديش، نطلب المسامحة من جيني هيرموسو، حيث سولتها واش نقدر نبوسها وقالت ليا اه وبغات.

وكمل لويس روبياليس اللي خرج مؤخراً كتاب كايهضر فيه على “الاغتيال العلني” وكايتعتبر أنه كان ضحية ديالو، وقال أن الدولة الإسبانية وإن كانت تفرض احترام الأحكام القضائية، فإن “دولة القانون تتيح الطعن في الأحكام إذا كنا نعتقد أنها غير منصفة أو لا تشكل فعلا اعتداء جنسيا”.

روباليس وهو كايهضر على الكتاب ديالو بعنوان “قتل روبياليس”، أكد بلا ما يعطي شي  دليل أنه كان ضحية “حركة مفاجئة من اليسار المتطرف”، خلقت “واقعا موازيا” للاستيلاء على هذه القضية، متحدثا عن “ستار من الدخان” افتعل، بحسب القول ديالو لحماية رئيس الوزراء الاشتراكي بيدرو سانشيس.