كود سبور//

رجع الدولي المغربي أشرف حكيمي للمشاركة مع الفريق ديالو باريس سان جرمان الفرنسي، بعدما غاب عليه الماتش اللي فات فالبطولة الفرنسية حيث عطاوه عطلة يرتاح.

وقرر الإسباني لويس إنريكي مدرب باريس سان جرمان الفرنسي يكونفوكي النجم المغربي أشرف حكيمي فماتش دومي فينال كأس فرنسا اليوم الثلاثاء ضد فريق دونكيرك الممارس فالقسم الثاني من بطولة فرنسا.

وكان لويس إنريكي عطى لأشرف حكيمي عطلة ملي رجع من ماتشات المغرب فإقصائيات كأس العالم 2026 السيمانا اللي فاتت، مع العلم أنه لعب مع الأسود غير الماتش الأول ضد النيجر والماتش الثاني ضد تنزانيا ما لعبش حيث كان موقف بسبب 2 صفرات خداهم فالماتشات اللي فاتو.