گود سبور//
كشف الإسباني لويس انريكي مدرب باريس سان جرمان الفرنسي، أن اللاعب ديالو المغربي أشرف حكيمي غادي يغيب على ماتشات المنتخب الوطني المغربي فالتوقف الدولي الجاي، وهذا الشي واخا عيط له الناخب الوطني محمد وهبي.
وملي سالا ماتش باريس سان جرمان وأولمبيك مارسليا فبطولة فرنسا مساء اليوم الاحد، هضر لويس انريكي وقال فالندوة الصحافية: “أشرف حكيمي ما غاديش يلعب الماتش الدوليين اللي جايين”.
وكايجي تصريح لويس انريكي بعد غياب اللاعب على ماتش باريس سان جرمان وأولمبيك مارسيليا، بسبب الإصابة اللي تعرض لها فالماتش اللي فات ضد بريست فبطولة فرنسا، مع العلم أن الناخب الوطني محمد وهبي عيط له للمنتخب المغربي استعدادا لمواجهة كل من الگابون وليسوتو ضمن إقصائيات كاس إفريقيا 2027، يومي 25 و29 سبتمبر، ماتش أميكال ضد غانا يوم 4 أكتوبر، مع الإشارة إلى أن اللاعب بدا كايتريني بوحدو هادي يومين.
