گود سبور//

اكد الاسباني لويس انريكي مدرب باريس سان جرمان الفرنسي ان الحالة الصحية ديال النجم المغربي اشرف حكيمي غاديا وكاتحسن، وغالبا غادي يبقى مرتاح حتى يلعب كاس افريقيا مع المنتخب المغربي.

وفتصريح صحافي نشراتو وسائل إعلام فرنسية، قال لويس انريكي على رجوع اشرف حكيمي للتداريب: “خبر كايفرح وما كايناش شي معلومات أخرى، وراه بدا يبرا”.

وكمل لويس انريكي: “غادي تكون كاس افريقيا وغالبا غادي يرجع يلعب ملي غايشارك فيها مع منتخب بلادو وما غاديش يلعب مع باريس سان جرمان”.