كود سبور//
جدد الاسباني لويس إنريكي مدرب باريس سان جيرمان الفرنسي، الاعجاب ديالو بالدولي المغربي عز الدين أوناحي لاعب اولمبيك مارسيليا الفرنسي، ولكن باقي هاز فقلبو بسبب خسارة اسبانيا امام المغرب فثمن نهائي مونديال قطر.
اليوم دوا الاسباني لويس انريكي مدرب PSG فندوة صحافية كتسبق ماتش الاخير مع اولمبيك مارسليا ضمن منافسات الدورة 6 من بطولة فرنسا وتحدث على عز الدين أوناحي، وقال عليه: “بالنسبة ليا اوناحي لاعب عالمي، وما فيا اللي يدوي مازال على ماتش اسبانيا مع المغرب”.
وكمل انريكي اللي كان هو مدرب اسبانيا ضد الاسود فمونديال قطر، وقال: “الماتش لعب فيها المغرب بشكل دفاعي ودافعو فيه المغاربة مزيان وخصوصا أوناحي، وكان حتى أشرف حكيمي مع هذاك الكروب، ومازال كيشد فيا ملي كيدوي على هذا الماتش”.
