كود سبور//

غايبقى النجم الكرواتي لوكا مودريتش مع ريال مدريد الإسباني، وغايلعب معهم موسم جديد.

وسناو ريال مدريد الإسباني اليوم الاربعاء، عقد جديد مع لوكا مودريتش اللي سالا العقد القديم ديالو مع الفريق مع نهاية الموسم الماضي، ودابا سناو معه ريال مدريد عقد جديد المدة ديالو حتى 30 يونيو 2025.

وصبح الكرواتي لوكا مودريتش مول 39 عام، هو الكابيتان ديال ريال مدريد الإسباني، وكان جا للفريق فصيف 2012، وحقق معهم 26 لقب من بينها دوري أبطال أوروبا 6 المرات آخرها الموسم الماضي وربح الكورة الذهبية عام 2018.