وكالات//

تحولات إقامة ديال عدد من الناس ففنادق معروفة فمدينة لاس فيغاس لتجربة خايبة، من بعد ما تعرضو لهجمات ديال بق الفراش، وهادشي خلاهم يرفعو دعاوى قضائية ضد إدارة جوج ديال الفنادق: “جزيرة الكنز” و”لوكسور”.

ووفقًا لوثائق قانونية، ترفعو ثلاث دعاوى فشهر أبريل اللي فات، وهاد الشكايات كيتعلقو بحوادث وقعات فصيف 2024، وتكلمو فيها على أضرار جسدية ونفسية بسبب انتشار الحشرات فغرف الفنادق.

من بين الشكايات، قالت واحدة سميتها تيريزا بروس، باللي شافت عضّات فالجسد ديالها فـ21 يونيو، وهي نازلة ففندق “جزيرة الكنز”، وحتى منين بدلات الغرفة، بقات كتقاسي من نفس المشكل. وأضافت أن إدارة الفندق اعترفات من بعد باللي كان فعلاً بق الفراش فالغرفتين.

وفحالة أخرى، الزوجين ستيفن وكورتني جولي دارو شكاية بعدما باتو ففندق “لوكسور” فـ8 يونيو، ولقاو راسهم كيعانيو من حكّة واحمرار فالجسم بسبب العضّات اللي تعرضو ليها.