كود سبور//

عبرت المغربية لمياء بومهدي أحسن مدربة لكرة القدم النسوية في القارة الأفريقية لعام 2024، أن عندها رغبة تدخل مجال كرة القدم ديال الرجال وتتولى تدريب الرجا والوداد، وتخدم حتى مع المنتخب الوطني المغربي.

وقالت لمياء بومهدي مدربة تي بي مازيمبي الكونگولي للسيدات في حوار مع “العين الرياضية” الإماراتية: “حلم تدريب الرجاء أو الوداد يراودني، وعلاش لا؟ راه نقدر ننجح ونكتب التاريخ مع واحد فيهم سوا محليا أو خارجيا”.

وكملت بومهدي اللي كتبت تاريخي تي بي مازيمبي للسيدات بالتتويج مع الفريق الكونگولي بأول دوري أبطال أفريقيا للسيدات فالتاريخ ديالهم، وقالت: “أحلامي ما عندها حدود، وفكرة تدريب أحد الفرق الكبرى فأوروبا حتى هي مطروحة عندي”.

وبخصوص واش ممكن تخدم مع المنتخب الوطني المغربي إلى عيطو لها، قالت لمياء بومهدي: “التواجد مع الطاقم التقني لأسود الأطلس يقدر يخليني نزيد نبين الإمكانيات ديالي، خصوصا وأنني عندي الجوانب التكتيكية اللي هي نقطة قوتي ألأولى