الرئيسية > كود-تيفي > لمنور باغة طلع انستكَرام ديال خوها ومول الذهب اللي خدم معاها فأغنيتها الجديدة ب تشالنج خاص! – فيديو
21/03/2021 20:00 كود-تيفي

لمنور باغة طلع انستكَرام ديال خوها ومول الذهب اللي خدم معاها فأغنيتها الجديدة ب تشالنج خاص! – فيديو

لمنور باغة طلع انستكَرام ديال خوها ومول الذهب اللي خدم معاها فأغنيتها الجديدة ب تشالنج خاص! – فيديو

سعيد الشاوي – كود //

طلقات المغنية المغربية أسماء لمنور  تشالنج خاص بأغنيتها الجديدة “يديرها الحب” اللي محققة لحدود الساعة نجاح في مشاهدات اليوتوب والتفاعل والبارطاج ديال الناس.

البارح السبت حطات قوانين المسابقة اللي عتابروهم بزاف المتتبعين ماشي في مستوى المغنية بعدما طلبات منهم يديرو شطحة انطلاقا من واحد المقطع كتغني فيه على الخواتم ويطاكَيوها هي وخوها ومول لذهب اللي لبسها في الفيديو كليب زيد عليها هاشتاكَ الأغنية.

شروط موقفوش هنا ولكن زادت المغنية قالت ليهم أنه خاص يديرو سميات 3 دالناس ويطلبو زهرهم باش يتقبلو . المغنية لمنور في العادة بعيدة على هادشي لكن المتتبعين ماعرفوش شكون فتى عليها هاد الفكرة.

و قالو بعض المتتبعات ديالها أن المؤسف في هادشي كلو أنها توصلات بحوالي 150 مشاركة من أصل 400 تعليق فيهم القلوبة في كونط ديالها اللي فيه 2 مليون متابع.

https://www.instagram.com/p/CMpR056p2-l/?igshid=1kk2xfn78nbyc

موضوعات أخرى