الرئيسية > آش واقع > لملايري الحديث النعمة ولد لقصر لكبير الطرنباطي اللي بكل وقاحة بغى يكون رئيس الراجا خرج كيكذب على لمغاربة. غير جاوبنا علاش بطونوبيلتك خرجتي بنشرقي مول برويك وشكون هو “عمي”
14/09/2020 10:30 آش واقع

لملايري الحديث النعمة ولد لقصر لكبير الطرنباطي اللي بكل وقاحة بغى يكون رئيس الراجا خرج كيكذب على لمغاربة. غير جاوبنا علاش بطونوبيلتك خرجتي بنشرقي مول برويك وشكون هو “عمي”

لملايري الحديث النعمة ولد لقصر لكبير الطرنباطي اللي بكل وقاحة بغى يكون رئيس الراجا خرج كيكذب على لمغاربة. غير جاوبنا علاش بطونوبيلتك خرجتي بنشرقي مول برويك وشكون هو “عمي”

هناء ابو علي كود كازا ///

احمد الطرنباطي مول فضيحة “بروديك” اللي استمعات ليه الفرقة الوطنية للشرطة القضائىة طلع ماشي غير يقدر ولي ملياردير فخمسة ايام وب”عمي” ولكن كيعرف تخراج العينين. دار حوارات صحافية وخرج وثائق كيقول باللي هو اللي تقولب فالبيعة والشرية ديال شركة الصباغة “بروديك” اللي كانت دازت فظروف اقل ما يمكن نقولو عليها مشوبة بعيوب كثيرة. كانت البيعة والشرية اللي خاصها بحث فالفرقة الوطنية عميق بزاف٬ بينو وبين سعيد بنشرقي وعائلتو.

بنشرقي كيقول باللي تم تزوير وثائق وعليها تم البيع. هاد النشايطي اللي كان كيملك هاد الشركة تهرب من المغرب واخا عندو مذكرات بحث بسباب شيكات بدون رصيد. شيفورو كان قال باللي تم تهريبو فطونوبيلة هاد لملايري ولد لقصر لكبير اللي جراو عليه من هاديك لمدينة فقضية كبيرة ماشي وقتها دابا.

الشيفور قال ماشي غير باش يتفتح تحقيق٬ بل اكثر.

هدر بزاف على “عمي”. طبعا عزيزو ديال الطرمباطي ماشي ديال الشيفور. دابا هاد الاسم نوض الصداع وحقاش عندو علاقة بالقضاء خاص موقف من هاد “عمي”. حقاش ممكن جدا يكون هاد لملايري الجديد يكون طيح عليه الباطل. التحقيق غادي يقول لينا كلشي.

دابا ايلى كان هاد الطرمباطي كيجرجر فالقضية باش المحكمة التجارية دير التصفية القضائية ويتهنى راه غير كيخربق. القضية اكبر من حكم اخير. القضية فيها “عمي” فيها ما صرح به الشيفور عن توظيف هاد النكرة اللي ولى ملياردير وبلا حيا بلا حشمة بغى شي وقت يولي رئيس الرجاء البيضاوي. فضيحة امثالو يولي رئيس للرجاء. خاص اللي يشد لفراقي لكبار يكون كبير فكلشي ماشي حديث العهد بالفلوس وفلوسو عليها علامات استفهام.

خاصنا بزافت الايادي البيضاء وبزافت التسونامي باش الطبيعة دير الانتقاء ديالها ويبقى اللي مزيان للمجتمع.

موضوعات أخرى