كود اسماء غربي –

لملايرية لمغاربة ما بقاوش مخبيين ودايزين حدا الحيط حتى فزمن الازمة، من بين تجليات اظهار الترفيحة فتح ثلاث ماركات عالمية لبيع السيارات الغالية الثمن فالمغرب هاد العام. فبعد فيراري اللي جابها عادل الدويري الاستقلالي ومازيراتي اللي جابتها شركة تابعة للهولدينك الملكي، تم فتح فرع في الدار البيضاء لبيع “استون مارتين” اللي جابوها الاماراتيين “القدرة هولدينك”. ثمن السيارة يترواح ما بين 150 و300 مليون سنتيم. السيارة اشتهرت مع سلسلة افلام جيمس بوند

سيارات اللوكس عندها اقبال فالمغرب، فحسب متخصصين فعدد سيارات اللوكس التي بيعت السنة الماضية في المغرب بلغ 8 الاف سيارة من اصل 120 الف سيارة جديدة، وحسب المتخصصين فسيارة اللوكس تبدأ من 40 مليون، لكن انواع من فيراري واستون مارتين ومازيراتي يفوق 150 مليون مما يجعلها لوكس اللوكس

حكومة بنكيران وان رفعت الضريبة على السيارات التي يفوق ثمنها 40 مليون الا انها لم ترفع الضريبة على من اقتنى سيارة غالية بثمن يفوق 150 مليون وكان عليها ان تضع ضرائب تصعد تدريجيا كلما ارتفع ثمن السيارة