الرئيسية > آش واقع > لمحاربة إنكار الهولوكوست.. الأمم المتحدة تبنات قرار جديد قدماتو إسرائيل وألمانيا
21/01/2022 12:30 آش واقع

لمحاربة إنكار الهولوكوست.. الأمم المتحدة تبنات قرار جديد قدماتو إسرائيل وألمانيا

لمحاربة إنكار الهولوكوست.. الأمم المتحدة تبنات قرار جديد قدماتو إسرائيل وألمانيا

كود – وكالات //

تبنات منظمة الأمم المتحدة قرار خاص بمحاربة إنكار المحارق النازية فحق اليهود اللي كانت فالحرب العالمية الثانية، واللي معروفة بالهولوكوست.

وكيطالب القرار من الدول الأعضاء فالمنظمة الأممية ومن الشركات المسؤولة على مواقع التواصل الاجتماعي يتعاونو ويساهمو فجهود مكافحة معاداة السامية.

ووافقات الجمعية العامة، المكونة من 193 دولة، ديريكت بلا تصويت على هاد القرار الأممي اللي قدماتو إسرائيل وألمانيا.

وقالت الأمم المتحدة أن هاد الخطوة هي”رسالة قوية ضد إنطار وتشويه الحقائق التاريخية”.

ويذكر أنه مات 6 مليون من اليهود فمحارق الهولوكوست، فحملة دارتها ألمانيا النازية للقضاء على السكان اليهود في أوروبا.

وقالت الجمعية العامة للأمم المتحدة، البارح الخميس، بللي “كترفض وكتدين أي إنكار للمحرقة كحدث تاريخي”.

وصرح سفير ألمانيا فالمنظمة الأممية، انتيي لينديرتسي، بللي “تجاهل بحال هاد الحقائق التاريخية كيزيد من خطر أنها تتعاود مرة أخرى”.

وجات فهاد القرار إشادة خاصة بالدول اللي مزال محافظة على البلايص اللي استخدمتها الجيوش النازية كمعسكرات ديال الموت والاعتقال، وطالب (القرار) من كل الدول الأعضاء باش يوفرو برامج تعليمية على الهولوكوست.

وفنفس السياق قالت وزيرة الخارجية الألمانية، أنالينا بربوك، ونظيرها الإسرائيلي يائير لابيد، في بيان مشارك بللي موجة إنكار الهولوكوست غادية وكيتزاد وهادشي كيخلع.

موضوعات أخرى