الرئيسية > تبركيك > لمجرد عطاوه فين يتنفس شوية.. المحكمة ففرنسا: المسطرة باش صيفطو المغني للجنايات بتهمة اغتصاب كانت فيها اخطاء اجرائية وخاص تعاود
19/05/2020 19:00 تبركيك

لمجرد عطاوه فين يتنفس شوية.. المحكمة ففرنسا: المسطرة باش صيفطو المغني للجنايات بتهمة اغتصاب كانت فيها اخطاء اجرائية وخاص تعاود

لمجرد عطاوه فين يتنفس شوية.. المحكمة ففرنسا: المسطرة باش صيفطو المغني للجنايات بتهمة اغتصاب كانت فيها اخطاء اجرائية وخاص تعاود

عفراء علوي محمدي- كود//

شافت محكمة النقض فالعاصمة الفرنسية باريز، ان المسطرة باش صيفطو المغني سعد لمجرد للجنايات بتهمة اغتصاب كانت فيها اخطاء اجرائية وخاص تعاود.

وحسب موقع “لو باريزيان”، محكمة النقض آمرات باش تعاود المسطرة من جديد، باش تحدد اخيرا واش يتحاكم  فمحكمة الجنايات بتهمة الاغتصاب، ولا الجنح بتهمة الاعتداء الجنسي.

وفدراستها لقرار إحالة المجرد على غرفة الجنايات بتهمة الاغتصاب، كتشوف محكمة النقض ان المسطرة ماحتارمش الاجراءات الجنائية الجاري بها العمل، حيت توقعات من طرف أربع قضاة عوض ثلاثة، وهذشي ولد عندها الشك.

وكانو محاميين لمجرد تقدمو بالطعن فقرار اتهامو بالاغتصاب وامتتالو امام غرفة الجنايات.

طبعا، غادي يعاودو يرسلو لوردونونس ولكن هاد المرة غايتأكدو انها محتارمة جميع الاجراءات الجنائية، وتما لمجرد غادي يرجع لفين كان.

وللإشارة، المجرد متابع فحالة سراح بتهمة الاعتداء الجنسي والعنف ضد فرنسية عندها 23 عام سميتها لورا بريول.

هذا رابط مقال “لو باريزيان” بتفاصيل كثر:

http://www.leparisien.fr/faits-divers/le-renvoi-du-chanteur-saad-lamjarred-devant-les-assises-pour-viol-est-annule-19-05-2020-8319858.php

موضوعات أخرى

26/05/2020 12:30

منصف السلاوي اللّي اختارو ترامب باش يطوّر لقاح كورونا لـ”كود”: المغاربة عفاكوم حضيو راسكوم وسمعو لتوجيهات السلطات الصحية

26/05/2020 12:00

الدواعش والمتخلفين هاجمو بوشكيوة وحطو ضدها شكاية حيت دارت منشور على حياة الرسول الجنسية.. ونشطاء: هادو وقائع تاريخية والحقوقية ما قالت حتى كلمة دالعيب