الرئيسية > آش واقع > للناس اللي ذبحو. مختص فالتغذية كيحذر عبر “كود” من التغلاق فماكلة اللحم: اللي مراض بالسكر ولا عندهم اختلال فالمناعة ومشاكل القلب.. وضروري من الحركة
31/07/2020 16:30 آش واقع

للناس اللي ذبحو. مختص فالتغذية كيحذر عبر “كود” من التغلاق فماكلة اللحم: اللي مراض بالسكر ولا عندهم اختلال فالمناعة ومشاكل القلب.. وضروري من الحركة

للناس اللي ذبحو. مختص فالتغذية كيحذر عبر “كود” من التغلاق فماكلة اللحم: اللي مراض بالسكر ولا عندهم اختلال فالمناعة ومشاكل القلب.. وضروري من الحركة

عفراء علوي محمدي- كود//

حذر الدكتور رمضاني عبد الخالق، الطبيب المختص فالتغذية والطب الرياضي، من التغلاق فماكلة اللحم فالعيد، وقال أن الناس اللي عندهم مشاكل القلب والشرايين أمراض السكري والناس اللي عندهم اختلالات فالمناعة أو المناعة المتوجهة ذاتيا، يحاولو يتعاملو مع اللحوم بشكل معقلن، ومايتناولوهاش بشكل كبير، وضروري ما يتحركو بزاف، حتى بالنسبة للي مامراضش.

وزاد رمضاني كيقول، فتصريحو ل”كود”، أن تناول اللحوم والشحوم خاص يكون مع الحركة والأنشطة الرياضية، وهكذا مغاديش يتسببو فأضرار صحية.

وبالنسبة للناس اللي عندهم السكر، يحاولو يتفاداو اللحوم ما امكن، الغنمي خاصة وجميع أنواع اللحوم بشكل عام، ويقللو منها “وأنا هنا بغيت نصحح واحد المغالطة، كاين اللي كيقول أن العنزي مزيان لصحاب السكر، لكن فالأصل جميع اللحوم بدون استثناء مضرة وخاص يتناولوها بكميات قليلة، ويشويوها أفضل ليهم”، على حد قولو.

فالمقابل، كيقول الخبير الغذائي أن لحم الغنمي فيه قيمة غذائية مهمة، كتتكون من بروتينات وذهنيات وفيتامينات وأملاح، لكن واخا هكذاك “دائما التعامل مع البروتينات الحيوانية خاص يكون بالقياس ومانخدوهاش بكثرة، باستثناء الأسماك”.

موضوعات أخرى