وكالات//

رد المكتب الإعلامي ديال الفنانة اللبنانية إليسا على الأخبار اللي كانت كتروج هاد الأيام فمواقع التواصل الاجتماعي، اللي كيقولو باللي رجع ليها مرض الكونسير ديال البزولة للمرة الثانية، و نفى هاد الشائعات بشكل كامل.

وأكد المكتب أن إليسا بخير وفصحة مزيانة، وما كتعاني من حتى شي مشكل صحي.

ووضح المكتب أنها دابا كاينة فمدينة ميلانو فإيطاليا، وكتستمتع بعطلتها مع صحابها القريبين.

وفي الأخير، طلب المكتب من الناس يحترمو الحياة الشخصية ديال إليسا، وماينشروش حتى شي خبر على حياتها أو صحتها بلا ما يتأكدو من المصادر الرسمية.