عن ا ف ب و رويترز//

المحتجون ديال حركة “السترات الصفراء” اللي بداو مظاهاراتهم قبل أكثر من شهرين، خرجو اليوم للسبت العاشر على التوالي، وسط مخاوف متجددة من حدوث أعمال عنف، وواخا ايمانويل ماكرون بدا “النقاش الكبير” اللي كيبان انه مازال ماهدأ غضب المحتجين.

ورددو بزاف ديال المتظاهرين، اللي تجمعو في الشانزليزي في باريس “ماكرون استاقل”.

وقال لوران نونيز وزير الدولة للداخلية ان السلطات دارت “انتشار أمني بحال ديال نهاية الاسبوع اللي فات”.

وكان تم نشر نحو 80 ألف بوليسي وجدرمي في فرنسا، أي ما يساوي عدد المتظاهرين، الأسبوع الماضي، منهم 5 آلاف غير في باريس، بحسب إدارة الشرطة.

وطلبو المنظمين ديال احتجاجات العاصمة من المشاركين يجيبو وردة ولا شمعة تكريما للناس اللي ماتو أو أصيبو من أجل القضية منذ بداية حركة الاحتجاج في 17 نوفمبر 2018.