كود الرباط//

الكسيدة لي وقعات حدا وزارة الخارجية فالرباط، واللي نشرات “كود” صورها وفيديوهات صباح لبارح السبت، تسببات فموت نجل مسؤول عمومي وإصابة فرد من عائلته بجروح خطيرة.

وحسب مصادر “كود” فالكسيدة لي وقعات مع ديك 5 من صباح السبت، كانت خايبة بزاف نظرا لحجم الأضرار لي فيها، وللي الاحتمال الكبير ديال  الكسيدة هو أنهوم كانو جايين ناشطين. مللي خرجو مباشرة من ريسطو مشهور فسلا.

الكسيدة تسببت فوفاة ولد عامل إقليم ورزازات، وتصاب واحد آخر من عائلتو إصابة خطيرة.

الطوموبيلات لي دارو كسيدة من نوع رفيع، منها بنتلي لي راكبها ولد العامل، والثانية نوع أودي.

مصادر كتقول بلي هاد الطوموبيلات كانو جايين من ريسطو مشهور فسلا. تفاصيل إضافية فمقالات اخرى.

دبا واش تفتح تحقيق حول أسباب الحادثة وشكون كيتحمل المسؤولية؟.