گود سبور- زنجبار//

غايعرف فينال كأس الكونفدرالية الإفريقية بين نهضة بركان وسيمبا التنزاني غدا الاحد فجزيرة زنجبار التنزانية، حضور وفد مغربي مهم.

وحسب مصادر “گود” فالنهائي بين نهضة بركان وسيمبا التنزاني بملعب أمان بجزيرة زنجبار بتنزانيا، غايكون حاضر فيه رئيس الجامعة الملكية المغربية لكرة القدم فوزي لقجع، وغايكون فيه حتى الناخب الوطني وليد الركراكي، لمساندة الفريق المغربي فهذا النهائي والتتويج باللقب الإفريقي.

ولاعبين نهضة بركان غدا الاحد ضد سيمبا التنزاني بتنزانيا روتور نهائي كاس الكونفيدرالية الإفريقية، والماتش غايبدا مع 4 العصر بتوقيت زنجبار اللي هي 2 العشية بتوقيت المغرب.