كود سبور//

دار فوزي لقجع رئيس الجامعة الملكية المغربية لكرة القدم استقبال خاص للمنتخب الوطني المغربي، قبل ما يسافر صباح اليوم الأحد إلى الكوت ديفوار للمشاركة فكوب دافريك، وموتيفاهم عاد شدو الطريق.

وبعدما طلاقهم فوزي لقجع وحمسهم، توجهت بعثة المنتخب الوطني المغربي، إلى الكوت ديفوار في رحلة مباشرة، انطلاقا من مطار الرباط سلا، استعدادا لمشاركة النخبة الوطنية فالنسخة 34 من منافسات كأس إفريقيا اللي غتكون ما بين 13 يناير و11 فبراير 2024.

وطيحت قرعة نهائيات كأس إفريقيا للأمم المنتخب الوطني المغربي فالكروب السادسة اللي فيه منتخبات: تنزانيا، الكونغو الديمقراطية، وزامبيا والماتشات ديالو غيتلعبو فمدينة سان بيدرو.