كود سبور//

سالا المنتخب الوطني المغربي الأولمبي، الاستعدادات ديالو للماتش اللي غايلعب غدا الاثنين ضد المنتخب الإسباني، ضمن نصف نهائي الألعاب الأولمبية باريس 2024.

ودار المنتخب الوطني المغربي اليوم الاحد آخر حصة تدريبية قبل مواجهة إسبانيا وكانت على أرضية ملعب “كودريك” بمدينة مرسيليا، وعرفت حضور رئيس الجامعة الملكية المغربية لكرة القدم فوزي لقجع اللي حمس اللاعبين وموتيفاهم وشجعهم باش يربحو الصبليون ويتأهلو للفينال.

أما طارق السكتيوي مدرب المنتخب الأولمبي، فركز خلال الحصة التدريبية على وضع آخر اللمسات على ليكيب ناسيونال قبل ماتش غدا ضد الصبليون اللي غايبدا فتيران “فيلدروم” مع 5 العشية بتوقيت المغرب اللي هي 6 العشية بتوقيت فرنسا.