گود سبور//

اكد فوزي لقجع رئيس الجامعة الملكية المغربية لكرة القدم، والقيادي فحزب الأصالة والمعاصرة، ان تيران الحسن الثاني الكبير هو اللي غادي يتلعب فيه نهائي كاس العالم 2030.

https://www.facebook.com/share/r/1DUZue8sVc/?mibextid=wwXIfr

وخلال لقاء تواصلي لفوزي لقجع ضمن أنشطة حزب الأصالة والمعاصرة فالحملة الانتخابية بمدينة بوزنيقة، قال: “خاصكم تعرفو بلي إقليم بنسليمان راه هو اللي غادي يحظى بشرف تنظيم نهائي كاس العالم، عندكم اكبر ملعب فالعالم سميتو ملعب الحسن الثاني، وإنشاء الله شي فينال بين المغرب وفرنسا”.

وكايتنافس المغرب على تنظيم نهائي كاس العالم 2030 من إسبانيا، ضمن التنظيم الثلاثي المشترك ما بين الدولتين إلى جانب البرتغال لمونديال 2030، والمغرب مرشح تيران الحسن الثاني الكبير بالدار البيضاء وبالضبط فمنطقة بنسليمان، وإسبانيا مرشحة كل من تيران سنتياگو بيرنابيو فمدريد، الكامب نو فبرشلونة.