كود سبور//

غايدير رئيس الجامعة الملكية المغربية لكرة القدم، اجتماع مع الناخب الوطني وليد الركراكي، وهذا الشي ضمن التتبع ديال رئيس الجامعة للمنتخبات الوطنيات والعمل اللي داير باش الأسود يكونو واجدين لكاس إفريقيا 2025 فالمغرب، واللي گاع المغاربة كايتسناو التتويج بها.

وحسب ما توصلت به “گود” من معلومات فرئيس الجامعة الملكية المغربية لكرة القدم، غايگلس مع الناخب الوطني وليد الركراكي باش يهضرو على كيفاش دازو الماتشات بجوج الوديين ديال الأسود ضد كل من تونس والبنين فتيران فاس، وهذا الاجتماع عادي وديما كايكون من ورا كل تجمع ديال المنتخب الوطني المغربي.

وكايوجد الناخب الوطني وليد الركراكي والأسود، لكأس إفريقيا 2025، ولعبو 2 ماتشات وديين فالتوقف الدولي الأخير، الأول ضد منتخب تونس ربحوه بنتيجة 2-0، والثاني ضد منتخب البنين ربحوه بنتيجة 1-0، وسط انتقادات كثيرة بسبب مستوى ليكيب ناسيونال، مع العلم أن الأسود كانت عندهم غيابات مهمة بسبب الإصابات.