كود الرباط//

قال فوزي لقجع، وزير الميزانية في حكومة أخنوش، بأنه في سنة 2024 غايكون الوقت باش يفتحو نقاش حول الصورة ديال الاصلاح الضريبي.

وأوضح لقجع اليوم الاثنين بمجلس النواب :”غانحاولو نخفضو الضريبة على القيمة المضافة ديال المواد الاستهلاكية خصوصا الأدوية والأدوات المدرسية، ومواد أخرى كذلك تشكل عبء كبير على المؤسسات العمومية”.

وأشار لقجع بلي الضريبة على القيمة المضافة لي طالعا فعدد من المواد اللي كتستعملها مؤسسات عمومية أنهك ماليتها وكلفها الملايير.