الرئيسية > كود سبور > لقجع زمط اوشن وفرض عليه صحة الزاكي والطاوسي وجمال…الويلزي بغا يجيب ولاد بلادو
12/01/2020 14:00 كود سبور

لقجع زمط اوشن وفرض عليه صحة الزاكي والطاوسي وجمال…الويلزي بغا يجيب ولاد بلادو

لقجع زمط اوشن وفرض عليه صحة الزاكي والطاوسي وجمال…الويلزي بغا يجيب ولاد بلادو

مصطفى الشاذلي – كود سبور//

فوزي لقحع، رئيس الجامعة تدخل بقوة فقضية المدربين المغاربة بادو الزاكي ورشيد الطاوسي وجمال فتحي، اللي رفضهوم الويلزي روبيرت اوشن يخدمو معاه.

رئيس الجامعة تفاجأ لموقف أوشن، خصوصا أنه كان على علم بانضمام هؤلاء المدربين للإدارة التقنية.

روبيرت اوشن برر رفضه للأطر المغربية الثلاث بأنهم عندهم كفاءة كبيرة وسبق ليهم دربوا كلهم المنتخب الوطني، وبالتالي فهو ليس في حاجة إليهم.

وكشف مصدر مسؤول ل”كود”، أن موقف اوشن أغضب لقجع بزاف، لانه اولا عطى الكلمة للزاكي والطاوسي وجمال فتحي وثانيا ما تقبلش من الويلزي يدير ما بغى دون يعطي القيمة والأهمية للأطر المغربية.

هادشي خلا رئيس الجامعة يعقد اجتماع طارئ مع الويلزي اوشن، وگال ليه، إن المغرب عندو طاقات وكفاءات باغي يستثمرها ويستغلها في التكوين، وان غرض الجامعة هو يستافد من الأطر الوطنية.

وحسب هاد المصدر، أن الاجتماع خلص إلى أن الزاكي والطاوسي وجمال فتحي غادي يخدموا في الإدارة التقنية بلا ما تكون عندهم حتى علاقة بالمنتخب الأول .

الغريب أن الويلزي اوشن كان الهدف ديالو هو جيب ولاد بلادو للجامعة، كان كيخطط يجيب انگليزي باش يعينو مدير المنتخبات الوطنية، لكن لقجع زمطو هاد المرة وأحبط المخطط ديالو.

موضوعات أخرى

21/01/2020 17:00

بالفيديو. گود فحوار مع سعيد..دري فقد يدو بسباب الجبيرة ولكن مافقدش الأمل واخا البطالة والفقر.. كيبيع الگلية باش يصرف على عائلتو

21/01/2020 16:00

فن الاستماع إلى عبد الصمد بلكبير! ليست الحقيقة هي الأهم في ما يرويه عبد الصمد بلكبير بل متعة الحكي والخيال