كود كازا //

فوزي لقجع الوزير المنتدب لدى وزيرة المالية المكلف بالميزانية هو الوزير الوحيد فهاد الحكومة اللي زار بنكيران فدارو بحي الليمون فالرباط. هاد الشي كان هادي اسابيع. مشى يشوفو ويسول علي صحتو. وفق ما علمته “كود” تغدى عندو وكلى معاه السردين.

بين لقجع وبنكيران علاقة مزيانة فيها احترام متبادل. بنكيران كان ديما كيقدر كفاءة لقجع ووطنيتو وخدمتو ولقجع عزيز عليه السياسي والمسؤول اللي تعرف عليه باش كان فرئاسة الحكومة. واخا ايديولوجيا كلها فجهة ولكن كاين احترام متبادل كبير بيناتهم.