گود سبور//

أكد فوزي لقجع رئيس الجامعة الملكية المغربية لكرة القدم ان المغرب واجد لتنظيم احسن نسخة من كاس افريقيا، وبالمقابل اكد الدولي المغربي اشرف حكيمي انه هو وصحابو متحمسين لتشريف المغرب ويفرحو المغاربة.

وخلال لقاء لهم بالزوم على منصة “Pass jeunes”، اكد فوزي لقجع انه من الناحية التنظيمية غادي نديرو احسن نسخة فـ تاريخ كاس أفريقيا”.

أما اشرف حكيمي فقال: “خدامين مدة هادي باش باش توصل هاد اللحظة، البنية التحتية واعرة وغاتكون احسن نسخة فـ كاس افريقيا، وحنا فـ المنتخب واجدين ومتحمسين ودابا كانديرو آخر الاستعدادات لماتش الافتتاح”

واكد اشرف حكيمي انه هو وصحابو فـ النتخب باغيين يشرفو المغاربة اللي ديما واقفين وراهم كتيشجعوهم وكايشرفهم الدعم اللي كايعطيوه لهم.