كود سبور//

كان فوزي لقجع رئيس الجامعة الملكية المغربية لكرة القدم، واقعي وذكي فالحوار اللي دار مع قناة On Time المصرية، اللي حاول الصحافي ديالها يركز بزاف على العلاقة ديالو بالكورة المصرية، وكيمشي ديما لخطوط التماس بين الكورة المغربية والكورة المصرية.

الصحافي المصري سول لقجع وقال: واش الاهلي هو احسن فريق فالقارة الافريقية؟” وفوزي لقجع كان واقعي وجاوب بـ “نعم”، وقاله واش المنتخب المغربي هو احسن منتخب فالقارة الافريقية وجاوب، وقال له: “نعم”، وسولو : “واش ووليد الركراكي احسن مدرب فالقارة الافريقية؟”، وجاوب لقجع وقال: “نعم”.

وكمل الصحافي المصري فالأسئلة ديالو هو ديجا سول لقجع على علاقتو بنهضة بركان اللي هو طرف ففينال كاس الكونفدرالية مع الزمالك المصري، والسؤال ديالو هاد المرة كان: واش الزمالك المصري هو المرشح باش يربح كاس الكونفدرالية الإفريقية؟”، ولكن جوبا فوزي لقجع كان واضح وواقعي، وقال: “جاوب لقجع من بين المرشحين”.

وختم الصحافي المصري الاسئلة ديالو وقال: “واش فوزي لقجع هو احسن رئيس اتحاد على المستوى العربي والأفريقي؟” وجواب فوزي لقجع كان: “لا أنا كنتمي لمجموعة من الرؤساء اللي كيديرو عمل مزيان داخل هاد المنتظمات”.