كود سبور//

هضر فوزي لقجع رئيس الجامعة الملكية المغربية لكرة القدم، على النجم الإسباني من أصول مغربية لامين يامال لاعب البارصا، واللي فضل يلعب من الصبليون وماشي المغرب، وقال انه غايبقى قدوة للشباب المغربي كلما تألق فالكورة وانه مغربي وان العائلة ديالو عندها ديما ارتباط بالمغرب.

وقال فوزي لقجع فحوار مع جريدة “ليكيب” الفرنسي: “خاص التمييز بين الجنسية بحد ذاتها والجنسية الرياضية، يُتخذ الاختيار الرياضي وحسب المشروع الرياضي لكل بلد، وطموح اللاعب، وطموح الدولة، خاص احترام هذا الشي. لكن هذا ما كايأثرش على أصول اللاعب “غير المختارة.. الاسم الحقيقي للامين يامال هو أمين جمال، وراه قرر يلعب للمنتخب الإسباني، حتى حد ما اعترض على اختيارو وكلشي متبع ماتشاتو بحماس وكايتمناو له كل التوفيق”.

وكمل لقجع وقال: “فالحياة، كاينين مفاجآت زونين وأخرين خايبين نتمنى للامين يامال حظ سعيد حيث كلما ازدهر، ولى قدوة للشباب المغربي، فهو مغربي.. أنا متأكد من أن عائلتو كاتجي للمغرب ديما باش تدوز العطلة مع حبابها.. المغاربة فخورون وسيظلون فخورين، هذه هي الروح الرياضية اللي كاتميزنا”.