الرئيسية > آش واقع > لقاو متحور جديد فجنوب إفريقيا عندو طفرات كثيرة ويقدر يكون اخطر من “دلطا”
31/08/2021 23:00 آش واقع

لقاو متحور جديد فجنوب إفريقيا عندو طفرات كثيرة ويقدر يكون اخطر من “دلطا”

لقاو متحور جديد فجنوب إفريقيا عندو طفرات كثيرة ويقدر يكون اخطر من “دلطا”

كود- عن يورونيوز/

اكتشفو علماء من جنوب إفريقيا متحور جديد لفيروس كورونا عندو طفرات متعددة، لكنهم مازال ما حددو واش هذ المتحور أكثر عدوى، أو بإمكانه التغلب على المناعة اللي كتوفرها اللقاحات، أو اللي كتنتجها العدوى السابقة.

المتحوّر الجديد، اللي تسمى “1.2.سي”، تكتشف أول مرة فشهر ماي الماضي، من هذ الوقت، بدا ينتشر، وبان فمقاطعات جنوب أفريقيا، وفسبعة ديال الدول لخرى فإفريقيا وأوروبا وآسيا وأستراليا، وهذشي حسب بحث ماخضعش لما يعرف علميا بمراجعة الأقران.

وجا فهذ البحث أن المتحوّر الجديد لفيروس كورونا فيه طفرات مرتبطة بمتحوّرات خرى، بينات أنها كتعزز قابلية الانتقال بشكل عام، كيف كتخضع لحساسية المتحورات تجاه الأجسام المضادة.

وكانت رصدات جنوب أفريقيا، العام اللي فات، وجود متحوّر “بيتا” اللي كيحتوي على بزاف ديال الطفرات، اللي كتعاون فيروس كورونا على الارتباط بشكل قوى بالخلايا البشرية، كيف كيحتوي “بيتا” حتى هو على طفرة E484K، اللي معروفة أحيانا باسم طفرة “eek”، اللي كيبان أنها كتعاون الفيروس على التهرب جزئيا من الأجسام المضادة، وتبين أن اللقاحات أقل فعالية ضد “بيتا”، الشي اللي خلى شي دول تقييد السفر من حتى لجنوب أفريقيا.

أخصائي الأمراض المعدية وأحد مؤلفي البحث، ريتشارد ليسيلز قال على المتحوّر “1.2.سي” أن ظهورو كيعني “أن هذا الوباء مازال ماسالاش، وهذا الفيروس لا يزال يشقّ طرقاً جديدة لتحسين إمكانية إصابتنا بالعدوى”.

وأكد الدكتور ليسيلز أن الناس ماخاصهمش يتقلقو فهذ المرحلة، وقال: “المتحورات اللي فيها المزيد من الطفرات لا بد تبان كثر خلال مرحلة انتشار الوباء”.

وكان المتحدث باسم وزارة الصحة فجنوب إفريقيا رفض التعليق على هذا البحث وعلى نتائجو.

https://arabic.euronews.com/2021/08/31/new-coronavirus-mutant-detected-in-south-africa-scientists-are-studying-it

موضوعات أخرى

23/09/2021 18:00

واش الشعب طرد العشابة باش يجيو بلاصتهم الشلاهبية ؟ هاد مظاهر ديال التهيميج السياسي راه مالايقاش لمغرب 2021 ! رئيس جماعة مهرب مرشحين ! واحد انتحر ! وحدين مرايشين على منصب ! رئيسة كاتلوز مع الدقايقية احتفالا بالفوز ! هادشي ماكايبشرش بالخير

23/09/2021 16:00

غير غابت العدالة والتنمية الانتخابات رجعات لاجواء التسعينات.. الإختطافات التهديد بالقتل الخيانة الغدر الإنتحار المافيات والبلطجية مضاربين على الجماعات والمناصب.. كاع دوك رموز الفساد القديمة رجعات وأكثر قوة هاد المرة وتبلطجات على خاطرها