كود – بني ملال //

لقات السلطات المحلية فمدينة بني ملال هاد الصباح جثة راجل متشرد كان  فوق كرسي متحرك، فظروف مازال التحقيق فيها متواصل ، هاد  الواقعة جات فوسط الأجواء ديال موجة البرد لي كتعيشها الجهة، وكتزامن معها إطلاق حملة خاصة بإيواء الأشخاص فحالة الشارع.

عناصر الأمن وصلات لعين المكان ودارو المعاينات الضرورية، قبل ما يتم نقل الجثة لمستودع الأموات باش يديرو التشريح الطبي ويحددو السبب الحقيقي للوفاة. وفي انتظار النتائج، التحقيق مازال مفتوح لمعرفة ملابسات الحادث.