كود- عن Kawa News//

كيشمل المتحف الجامعي للنيازك، اللي تم افتتاحو ففبراير 2016 فمدينة أكَادير، على مجموعة من الكنوز، كيف كيخضع المتحف لإشراف أستاذ وجيولوجي متخصص في النيازك.

من النيازك المغربية المجودة فالمتحف، كاينة “تيسينت”، اللي طاح مباشرة من المريخ فمنطقة طاطا جنوب شرق البلاد، وكاينة نيازك أجنبية بحال النيزك السيار الروسي اللي سميتو تشيليابينسك، ومؤخرا تم اكتشاف نوع جديد مختلف تماما على هذو.

من بين 120 نيزك معروض فالمتحف، كاين النيزك NWA 12606، المعروض فالمتحف هادي سينين، قبل ما يقررو المتخصصون المغاربة، ومنهم البروفيسور إبهي، ونظراؤو الإيطاليون، يجريو عليه تحليل معمق كثر.

هذ الحجر تلقى ف 2018، فمنطقة درعة تافيلالت، كيتقدر عمرو باربعة مليارات وستمية مليون سنة، تقريبا نفس عمر الشمس والكواكب، وتم تصنيفو فعائلة الآكوندريت البدائية، وتحديدا ففئة Ureilites، وهي أحجار نادرة كتمثل 0,6 فالمية من النيازك اللي كيطيحو، وعندها ترميبة معدنية خاصة.

النيزك تدار عليه مجموعة من الدراسات قبل مايتم اكتشاف دياموندات صغار بحجم ميليمتر، بحال الزبرجد (بنسبة 90 فالمية) ، البيروكسين (بنسبة  5 فالمية) أو الكَرافيت (بنسبة 5 فالمية)، وكيقولو العلماء أن تكوين الديامون فهذ الأحجار من التأثير العنيف للحجر عند اصطدامو بالأرض، ونظرا للحرارة والضغط، كيتحول الگرافيت الصلب اللس في الصخر لديامون.

وكيتطلب هذشي مجموعة من الشروط، منها ارتفاع درجة الحرارة فوق ما لا يقل عن 2000 درجة، وضغط جوي لا يقل عن 30 جيكَا باسكال Gigapascal، ووقت الصدمة يكون لبضع ثوان للسماح بتكوين الديامون.

هذ العناصر كلها خلات NWA 12606 يكون حجر أكثر ندرة وأكثر قيمة.

https://kawa-news.com/maroc-des-diamants-retrouves-dans-une-meteorite/