الرئيسية > آش واقع > لقاء للقرض الفلاحي و فيدرالية الدواجن: ركز الدعم ديال القطاع و وضع إطار مشترك مع وزارة الفلاحة للزيادة منو وتطويرو
03/12/2020 12:20 آش واقع

لقاء للقرض الفلاحي و فيدرالية الدواجن: ركز الدعم ديال القطاع و وضع إطار مشترك مع وزارة الفلاحة للزيادة منو وتطويرو

لقاء للقرض الفلاحي و فيدرالية الدواجن: ركز الدعم ديال القطاع و وضع إطار مشترك مع وزارة الفلاحة للزيادة منو وتطويرو

كود كازا //

دار القرض الفلاحي للمغرب، اجتماع مع الفيدرالية البيمهنية لقطاع الدواجن وجمعياتها الأعضاء، من أجل تقييم إنجازات القطاع، خاصة في إطار مخطط المغرب الأخضر، وتطور مؤشراته، والإكراهات اللي كيواجهها، وتعرضات فيه سبل الرفع منو وتطويرو.

الاجتماع اللي دار نهار الثلاثاء، حضر ليه طارق السجلماسي، رئيس مجلس إدارة القرض الفلاحي للمغرب، ويوسف العلوي، رئيس الفيدرالية البيمهنية لقطاع الدواجن ، ومحمد العموري، رئيس الكنفيدرالية المغربية للفلاحة والتنمية القروية، كيف عرف مشاركة العديد من فاعلي قطاع الدواجن وممثلين عن وزارة الفلاحة والصيد البحري والتنمية القروية والمياه والغابات.

وحسب بلاغ للقرض الفلاحي، توصلات بيه “كود”، فهذ اللقاء كان فرصة للتاكيد على أهمية هذ السلسلة الانتاجية، اللي عرفات تطور مهم، وكتشارك بشكل كبير فتوفير الأمن الغذائي للبلاد وفخلق فرص الشغل، غيرك كتعرف إكراهات بيئية كانت توصية بمواجهتها، هذشي زعبر المتدخلين على ارتياحهم بعدما تحسن الوضع الضريبي لتجار الدواجن، بعدما تغيرات وضعيتهم من تجار جملة لفلاحين.

من جهتو، أكد القرض الفلاحي على استعدادو التام لمواكبة حاجيات الاستثمار المهمة المرتقبة في إطار الاستراتيجية الفلاحية الجديدة الجيل الأخضر 2020-2030، ودعمو لجميع الفاعلين في كل مراحل سلسلة القيمة، كيف اكد على وضعو لخدماتو بشكل رقمي في خدمة الفاعلين عبر تطوير وإطلاق منصة مندمجة، بهدف رقمنة مجموع المعاملات والعمليات اللي كتعرفها سلسلة قيمة الدواجن.

وفهذ الصدد سلم يوسف العلوي، باسم الفيدرالية البيمهنية لقطاع الدواجن، درع تقديري لطارق السجلماسي، اعترافا له بمساهمة القرض الفلاحي في تنمية القطاع الوطني للدواجن.

وفي ختام اللقاء، تم الاتفاق على وضع إطار مؤسساتي يضم جميع الأطراف المعنية: وزارة الفلاحة والصيد البحري والتنمية القروية والمياه والغابات والفيدرالية المهنية لقطاع الدواجن والقرض الفلاحي للمغرب والكنفيدرالية المغربية للفلاحة والتنمية القروية، من أجل تفعيل تدابير دعم خاصة بقطاع الدواجن.

موضوعات أخرى

22/01/2021 15:00

مايا شي مرات كاتزبالي فاللايفات! و هاد المرة زبالات بزاف ! واش نتي بعقلك كاتهاجمي ضحايا الاغتصاب و ترضي ليهم اللومة ؟ واش مافراسكش بلي كاينين عيالات مزوجات كايتمارس عليهم الاغتصاب شنو غاتقولي ليهم ؟ هاد الديسكور راه مالايقش على ليماج ديال المرأة المتحررة لي باغا تسوقيها لراسك! آطونسيو!

22/01/2021 14:30

الصحرا المغربية مخلياهم بلا نعاس.. القائم بأعمال سفارة ميريكان فالجزائر ما بغاش يعطيهوم موقف إدارة بايدن وها شنو قال