كود – كازا ///

قالت صحيفة “إل إسبانيول”، أن عدة قنصليات إسبانية بالمغرب ولات غارقة ف التخلويض ديال الرونديڤوات واللي كتخلي بزاف ديال المواطنين المغاربة ضحايا لشبكات ديال الاحتيال المنظم، وهاد الشي كيأثر على السير الإداري اليومي ديال هاد المصالح القنصلية الإسبانية بالمغرب.

وحسب الجريدة الإيبيرية، طالب مواطنين مغاربة ومحامين إسبان من السلطات باش تدخل لوضع حد لهاد الفضايح والتجاوزات واللي خلات أسعار شراء الرونديڤوات توصل إلى 300 يورو بسباب شبكة متخصصة لعرقلة نظام الكونفيرماسيون ديال الرونديڤوات، واللي كتسبب ليهم في تعطل المصالح ديالهم.