كود الرباط//

ردّ وزير الداخلية عبد الوافي لفتيت بقوة على الاتهامات ديال حزب العدالة والتنمية بأنهم ما تسلّموش محاضر التصويت فبعض المحطات الانتخابية. لفتيت قال بلي البيجيدي ما كيطلبش المحاضر إلا ملي كَيْخسر، أما ملي كَيْربح كيبان ليه كلشي مزيان، وهاذ المنطق ـ حسب الوزير ـ ماشي ديمقراطي.

وخلال اجتماع لجنة الداخلية بمجلس النواب الخاص بالتصويت على مشاريع القوانين الانتخابية، لفتيت وضح: “اللي ما حضرش ما عندوش الحق ياخذ المحضر. وزاد متحدّياً المجموعة النيابية ديال البيجيدي: “عطيوني دليل بلي طلبتو المحضر وما عطيناهش ليك،… وديك ساعا نحكموا على رئيس المكتب حتى بـ20 عام ديال الحبس ماشي غير 5”.

مضيفا أنه في 2015 و2016 سبحان الله المحاضر سُلمت كاملة ولم يقع شيء، والأكثر من ذلك أن النتائج حُسبت قبل أن نعلن عنها، وفي 2021 عندما خسر الحزب قيل إن المحاضر لم تسلم.

لفتيت شدّد بلي ما يمكنش نبقاو كل انتخابات نسمعو نفس الكلام، ملي يربحو ما كيهضروش، ملي يخسرو كيقولولك المحاضر ما تعطاوش. وقال: “فـ2015 و2016 سبحان الله… كلشي تسلّم وما كان حتى مشكل والنتائج تحسبات قبل ما نعلنو عليها. فـ2021 ملي خسر الحزب عاد بدّاو كيهضرو على المحاضر.”

وشدد وزير الداخلية أن العملية الانتخابية دون ثقة ميمكنش تكون، وخص نرحبو بالخسارة كيف نفرحو بالرباح.