كود العيون //

نشر الداه محمد لغظف مدير قناة العيون تدوينة على صفحتو على الفايس كيهدر على ما اعترض القناة من نهار طلقات هادي 16 عام. قال لغظف ان القناة التلفزية الوحيدة بالصحراء، بقات صامدة، وبأن أشرس حرب ضد القناة هي حرب الوسائل لم يعط لشباب ماتستحقه طموحاتهم.

واوضح ان هاد القناة بدات بطاقم صحفي وفني من بنات وأبناء الاقاليم الجنوبية، حيث بدأ العمل والتعلم والبث والانتاج والتدريب في نفس اللحظة. وان هاد الشباب “تمكن ظرف قياسي لايتعدى 6 اشهر من تسلم قيادة السفينة لوحده فأبدعوا وشاغبو وثارو ودفعوا كل الخطوط الحمراء الي مداها فحوربوا وحاربو وغيرو وماستكانوا وماضعفوا ولكن اشرس حرب هي حرب الوسائل لم يعطوا ماتستحقه طموحاتهم ورغم ذلك صنعوا اسماً في الحقل الاعلامي الوطني والاقليمي بل اصبحوا موضوع مركاتو مع قنوات دولية”

واثنى على هاد الطاقم اللي قدم خدمة مزيانة

دابا قناة “العيون” كتعيش مشاكل مادية هادي سنوات. لعرايشي فيصل الرئيس المدير العام للشركة الوطنية للاذاعة والتلفزيون اللي تابعة ليها القناة٬ ما مهتمش بتطويرها ولا دعمها. القناة خاصها دماء جديدة. خاصها طاقات جديدة من المنطقة طبعا وخاصها فلوس كثيرة باش تخدم.