الوالي الزاز -كود- العيون ///
وضعات النسوة المعنيات بفيديو “الخضريات” ديال عرس بنت رئيس مجلس المستشارين حد للأقاويل والإشاعات اللي رافقوه واللي تدعي أنه تم تقديمهن كهدية فحفل الزفاف.
وأكدات النسوة المعنيات واللي من عائلة العريس “أهل ودادي” اللي ولدهم مزوج ببنت رئيس مجلس المستشارين فشريط فيديو خرجو بيه، أن هداكشي اللي تم ترويجو غلط فغلط.
وشددات النسوة فتوضيحهن أنهن يتحدين اللي كيروج لقضية منحهم كهدية لـ”أهل ميارة”، مشيرات أنهن على استعداد لمتابعة مروجي تلك المغالطات قضائيا سواء في المملكة المغربية أو في موريتانيا.
وأكدات النسوة فحديثهم فالفيديو اللي عند “گود” نسخة منو، أن عائلتي ميارة وودادي مافيهمش العبودية، وأبرزن أن كلمة العبودية مرت عبر التاريخ غير أنها غير موجودة حاليا، مختتمات حديثهن بتحدي مروجي تلك المغالطات، مجددات استعدادهن لمقاضاته.
